Norsk Barneblad med nostalgisk julehefte

Redaktør Nana Rise held fram det nye juleheftet.Redaktør Nana Rise held fram det nye juleheftet. 

– Me prøver ikkje å vera nostalgiske. Me er det, slår redaktør Nana Rise fast.
Juletre er kjent som desemberutgåva til Norsk Barneblad heilt sidan 1898. Men i år kjem verdas eldste barneblad ut med eit nytt tilbod, i tillegg til den vanlege desemberutgåva Juletre.

Redaktør Nana Rise har henta fram illustrasjonar, tekstar og teikneseriar frå 50-, 60- og 70-talet og laga eit nytt julehefte med namn Juletre – til gledeleg gjensyn for eldre lesarar og eit tilbakeblikk på historia for yngre lesarar.

Strålande kritikk

Framsida er ein tilpassa versjon av framsida frå 1966.

– Eg er kjempespent på korleis det går, seier Nana Rise til Pirion.

Bladet er breitt distribuert gjennom Egmont, og har fått strålande kritikk. Dagbladet-kritikar Cathrine Krøger har bladet som sin favoritt blant julehefta og kallar det «hypernostalgisk».

Mykje godt i arkivet

Norsk Barneblad har namn som Maria Parr, Agnes Ravatn, Halldis Moren Vesaas, Alf Prøysen og Elias Blix i arkivet – så Nana Rise utelukkar ikkje fleire nostalgiske julehefte i framtida.

– Ragnvald Vaage er ein av mine favorittar. Han klarer å halda det både humoristisk og alvorleg, historiar ein både kan le og gråta av, som framleis er aktuelle for både min generasjon og yngre generasjonar, seier Rise-Lynum.

Utskrift E-post