Kommunane bør førebu seg på ein ny debatt om kommunestruktur, meiner KS, interesseorganisasjonen for kommunane. Organisasjonen ber no om innspel til debatten.
– Korleis skal KS og kommunesektoren møta eit eventuelt nasjonalt initiativ om endringar i kommunestrukturen, og korleis skal eit slikt initiativ handterast lokalt? spør KS på nettsidene sine.
For å få svar på slike spørsmål gjennomfører KS no ei høyring der dei ber fylkesstyra og rådmannsutvala drøfta kva forventingar og krav kommunesektoren bør ha til forslag om å endra kommunestrukturen.
Landstinget i KS har tidlegare rådd kommunane og fylkeskommunane til å vurdera om dei er nøgde med den kommunestrukturen og det interkommunale samarbeidet dei har i dag.
