Noregs Mållag meiner Avinor sin nye logo liknar vel mykje på deira eigen profil for Nynorskstafetten.
– Først merka eg faktisk at sjølvtilliten vaks då eg såg at Avinor hadde nøyaktig den same løysinga som eg hadde laga. Men i dag er eg sikker på at dei to logoane skadar oss når Avinor sin logo blir meir kjent. Då vil det virke som om det er me som har kopiert Avinor, og ikkje dei som har same løysing som oss, seier redaktør i medlemsbladet Norsk Tidend, Kjartan Helleve til Kampanje.
Dagleg leiar i Snøhetta Design, Marin Gran, avviser at det dreier seg om eit plagiat.
– Me hadde ikkje sett den logoen før me laga Avinors, og hadde dessverre ikkje høyrt om Nynorskstafetten. Avinor har fått eit unikt navnetrekk kombinert med eit symbol, seier han til Aftenposten.
