Den norske skulen i Kamerun (DNS) har gått frå å vera ein bokmålskule til å bli ein nynorskskule. Alle dei ni norske elevane nyttar nynorsk som målform dette året, heiter det på nettsidene til Det Norske Misjonsselskap.
DNS i Kamerun har vore ein bokmålskule frå oppstarten i 1958, men no har faktisk alle elvane ved skulen nynorsk som målform. Trass i at vedtektene seier at skulen skal vere bokmålskule.
– Spørsmålet er om vedtektene no må endrast. For me kan jo ikkje akkurat nekta elevane å få undervisning på si eiga målform, seier rektor ved DNS, Trond Hjorteland til nms.no.
I år er det ni elevar ved Den norske skulen i Kamerun.
