Noregs Mållag lyser no ut sine to årvisse stipend à 50 000 kroner. Stipenda skal gå til gode prosjekt som fremjar nynorsk på alle samfunnsområde.
Tidlegare har mellom anna bloggar Mariell Øyre og multikunstnar Andrea Paleologos fått nynorskstipend. Også omsetjarar av nynorsk Wikipedia, kaffi-importørar og spelutviklarar har fått glede av pengane tidlegare år. Stipendet er ei løyving frå Kultur- og kyrkjedepartementet, medan styret i Noregs Mållag er stipendnemnd og avgjer kven som skal få stipendet.
Ein kan ikkje søke om pengar til utdanning eller reise, dette er eit arbeidsstipend. Prosjektet du søker om midlar til må vere ferdig og innlevert innan 1. oktober i år. Frist for å søke nynorskstipendet er 15. februar.
