Heim Nyhende Aasmund og Odd Nordstoga i festspelutgåve

Aasmund og Odd Nordstoga i festspelutgåve

Vinjes Blåmann møter grisen til Ragnar Hovland når brørne Nordstoga held opningskonserten under Dei nynorske festspela torsdag 26. juni.

– Vi har stått på same scene mange gonger før, men ikkje med våre eigne respektive repertoar å spele frå. Slik sett blir dette ei heilt ny oppleving både for oss og publikum, seier Odd Nordstoga. Ein felles konsert med brørne Nordstoga under Dei nynorske festspela blir Maren i Myra som møter Frøken Franzen. Publikum får oppleve musikk frå barne TV, skillingsviser, songane til Odd og Aasmund sine songar frå Aasmund Olavsson Vinje. Saman med eminente musikarar lovar dei ein både stemningsfull, livat og morosam konsert på torsdagen under Festspela.

Odd Nordstoga fekk sitt gjennombrot med Kveldssong for deg og meg i 2004. Han har skrive musikken til NRK-seriane Jul i Svingen og Vaffelhjarte og gitt ut ti eigne album. Nordstoga har fått fleire prisar, mellom anna Årets Spellemann i 2004.

Storebror Aasmund Nordstoga har utmerka seg som ein allsidig folkemusikar med eit vidt repertoar. Han platedebuterte i 1997 med Løynde eldars land med tekstar av Tarjei Vesaas. Den siste plata hans, Guten, er songar med tekstar av Aasmund Olavsson Vinje og tonar og arrangement av Odd Nordstoga og Edvard Grieg.

– Vi er svært stolte og glade for at vi får dei to brørne på same scene under Festspela. Dette blir ei konsertoppleving utanom det vanlege, eksklusivt for festspelpublikummet, seier programansvarleg Karine Munch i Ivar Aasen-tunet.

Billettar og festspelpass Dei nynorske festspela er frå 26. til 29. juni og Nordstoga-konserten finn stad i uteamfiet i Ivar Aasen-tunet torsdagskvelden. Billettar til konserten er allereie lagt ut for sal, og dei første som bestiller får sitje i amfiet.

Dei nynorske festspela tilbyr festspelpass til dei som vil oppleve mest muleg av Festspela. Desse er også lagt ut for sal.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...