Heim Nyhende Allsidig festival

Allsidig festival

Tidsklemme, rasisme, poesi, provokasjon, ordleik og eventyr – dette er berre somme av ingrediensane i Nynorske litteraturdagar dette året.

Olaug Nilssen sitt prosjekt “Kvifor har småbarnsforeldre alltid så dårleg samvit” har enda opp som ei bok, Kjøkkenbenkrealisme. Her får elleve foreldre fortelje om sine kvardagar med barnehage, søvnmangel, turnusjobbing og tidsklemme. Nilssen har ikkje løysinga på alle utfordringane, seier ho, men ho ville by på historier som ikkje nødvendigvis har eit vakkert lag av glasur på seg.

Då barnebokforfattaren Hans Sande gav ut boka Pappa er sjørøvar i fjor, vart han skulda for antisemittisme, og den israelske ambassaden klaga boka hans inn for Utanriksdepartementet. Ein skal ikkje provosere berre for å gjere det, seier Hans Sande. Men ein må ikkje vike heller.

Kristin Fridtun, på si side, pirkar borti kvardagsorda våre. Ein fot er ikkje berre ein fot – og kvifor seier vi at ei kake har fått føter å gå på? Fridtun er ein ung forfattar frå Elverum med sans for språket og Ivar Aasen, og ho har nyss gjeve ut boka Norsk etymologisk oppkok.

I Sogn og Fjordane har dei no samla ei mengd lokale eventyr og gitt ut i boks form. Somme av eventyra er nye for lesarane, og det er ikkje utan grunn at nokre av dei gamle eventyra og segnene våre ikkje har fått lys på seg før no.

Alt dette kan du lese meir om i LNK-avisa som kjem ut kommande veke.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...