Heim Nyhende Anna Kleiva får årets Bjørnsonstipend

Anna Kleiva får årets Bjørnsonstipend

Stipendet vert delt ut til ein yngre forfattar det knyter seg betydelege forventningar til.

 

Stipendet på 25.000 kroner blir delt ut under opninga av Bjørnsonfestivalen i Molde onsdag 2. september.

Bjørnsonstipendet vert kvart år delt ut til ein yngre forfattar det knyter seg betydelege forventningar til.

– Dette er ein forfattar vi gjerne vil høyre meir til og vi håpar stipendet kan bidra til det, seier administrerande direktør Trine Stensen i Bokhandlerforeningen som skal dele ut prisen i Molde.

Festivalleiar Rolf Magnus Orø synest at Kleiva er ein spennande poet som allereie er blitt lagt merke til med dei to diktsamlingane sine. Ho er også dagens poet under festivalen.

Anna Kleiva er født i 1985. Ho er oppvaksen på Vinstra, men bur i Oslo. Debuten kom i 2011 med diktsamlinga «Ti liknande versjonar». Diktsamlinga «Vårar seinare» vart gitt ut i fjor og vart tildelt Natt & Dags Oslopris for Årets bok 2014. Kleiva har også gjendikta «Cæur de Lion» av Ariana Reines.

Bjørnsonfestivalen 2015 går av stabelen frå 2. til 6. september.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...