Heim Nyhende Are Kalvø til Nynorske litteraturdagar

Are Kalvø til Nynorske litteraturdagar

Are Kalvø kjem til Nynorske litteraturdagar i Aurland for å vise fram den nye grunnlova han har laga saman med folket. 

 

Kalvø er ein av mange som kjem til Nynorske litteraturdagar i Aurland første helga i november. I dag vart det varierte programmet lagt fram. 

Her kan ein blant andre møte forfattardebutantane Mariell Øyre og Jostein Avdem Fretland i samtale med Olaug Nilssen, ein kan også vere med på boklansering av Destillert tyleskap saman med forfattar Jens Brekke og visesongar Ola Bremnes. 

Leiar for Språkåret 2013, Inger Johanne Sæterbakk, leiar arrangementet: Det fleirspråklege Noreg: Kaos eller identitet? Barne – og ungdomsforfattar Linn T. Sunne skriv ofte om alvorlege og vanskelege tema. I samtale med Øystein Vidnes fortel ho kvifor. 

Og forfattar Kristian Bjørkelo i samtale med Heidi Hattestein stiller spørsmålet: det skal vere lov å ville endre verda, men når går ein for langt? 

– Nynorske litteraturdagar er ein liten og intim litteraturfestival, fullspekka med kjende og ukjende aktørar. Litteratur, språk, musikk, kunst og humor utgjer eit årleg kulturarrangement som me er svært stolte av å vera vertskap for, skriv arrangøren på eigne nettsider. 

Arrangøren lovar at både Språkåret 2013 og 250-årsjubileet til Sogn og Fjordane fylke set preg på arrangementet.

Det er Aurland kommune som står bak Nynorske litteraturdagar. Det heile starta med at tidlegare ordførar, Olav J. Ellingsen, tok til å dela ut nynor­ske songbøker til alle nyfødde born i kommunen. Seinare kom “Song for livet”, ei større kultursatsing med vekt på den nynorske songskatten. Her samarbeida barnehagane, grunnskulen, kulturskulen og det frivillige kulturlivet. Sommaren 2006 starta Aurland kommune opp prosjektet LITTKRIT. Her fekk ungdomar tilbod om sommarjobb, der dei skulle lesa og analysera nynorsk samtidslitteratur. Nynorske litteraturdagar er ei vidareutviklinga av desse tiltaka.

 

 

 

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...