Heim Nyhende – Årets nynorskbrukar er som Kaizers på kunstfeltet

– Årets nynorskbrukar er som Kaizers på kunstfeltet

Kunsthistorikar og forfattar Jorunn Veiteberg (59) er Årets nynorskbrukar 2015 for sin ufråvikelege vilje.

 

Det melder Nynorsk kultursentrum i ei pressemelding i dag.

– Ho får prisen for sin ufråvikelege vilje til å gjera nynorsk til eit elegant og velforma bruksspråk på alle delar av kunstfeltet, i Noreg så vel som i andre land, står det i grunngjevinga.

LES OGSÅ: Aukar talet på nynorske lettlestbøker

– Aldri spørsmål om eit val
Vinnaren sjølv er begeistra.

– Dette var svært overraskande, men desto meir varmar det! På mitt fagfelt er det få som brukar nynorsk, men for meg har det aldri vore spørsmål om eit val, seier Veiteberg.

Det er ikkje første gong Veiteberg har fått store utmerkingar. I 2010 fekk ho Norsk Form sin heiderspris for mangeårig og variert verksemd innan kunsthandverk og design.

– Nynorsk er språket eg har vakse opp med og som eg tenkjer best på, held ho fram, og legg til at denne prisen inspirerer til vidare innsats.

LES OGSÅ: Målpris til kjøpesenter i Førde

Kaizers på kunstfeltet
Direktør i Nynorsk kultursentrum, Ottar Grepstad, samanliknar forfattaren og kunsthistorikaren frå Stord med Kaizers Orchestra.

– I alle samanhengarhar årets nynorskbrukar ordlagt seg på nynorsk, også i prestisjetunge publikasjonar utgitt i Tyskland. Kaizers Orchestra song på jærdialekt kvar som helst i inn- og utland. Jorunn Veiteberg er Kaizers på kunstfeltet, seier Grepstad.

Med tittelen Årets nynorskbrukar følgjer også 100.000 kroner, og prisen blir delt ut under opninga av Dei nynorske festspela 25. juni.

LES OGSÅ: Er du årets nynorskbrukar?

Mange kandidatar
I år hadde kåringa av Årets nynorskbrukar ein ny vri. Publikum kunne sjølv foreslå sine kandidatar.

Ifølgje pressemeldinga nytta 44 personar sjansen til å foreslå sine kandidatar.

– Den store interessa syner at prisen er viktig for mange, seier Grepstad.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...