Kommunal- og moderniseringsdepartementet gir nye pengar til KS sitt arbeid med kommunereforma i 2015.
– Me ynskjer ei kommunereform som byggjer på gode lokale løysingar fordi det nettopp er lokalt ein veit best korleis kvar kommune bør utviklast, seier kommunal- og moderniseringsminister Jan Tore Sanner (H) i ei pressemelding.
Målet med kommunereforma til regjeringa er å slå saman fleire små kommunar til større einingar, for å redusera talet på kommunar i Noreg. I dag er det 428 kommunar i landet, men det kan bli langt færre om tilrådingane frå kommuneutvalet som føreslo at kommunane i Noreg bør ha minst 15.000-20.000 innbyggjarar, blir følgde.
Dei sju regionane i KS får rundt éin million kroner kvar, mens resten av pengane skal brukast til å arrangera regionale og nasjonale konferansar om kommunereforma, og utvikla opplæringa av folkevalde. (©NPK)
