Heim Nyhende Auka opptak til høgare utdanning

Auka opptak til høgare utdanning

 

Aldri har så mange søkt opptak til høgare utdanning, og aldri har det vore sendt ut så mange tilbod om studieplass som i år. Søkarane fordeler seg godt på ulike studium, og lærestadane tek opp fleire studentar enn tidligare år.

Tal frå Samordna opptak viser at fleire søkarar får tilbod om studieplass. I alt har 74 500 fått tilbod om plass gjennom den nasjonale opptaksmodellen. Dette er omlag 3 200 fleire enn i fjor.

Av snautt 108 000 søkarar er 88 000 kvalifisert for opptak til minst eitt studium – ein auke på 3,6 prosent samanlikna med fjoråret.

– Eg er glad for at ungdommen vel dei utdanningane som trengs. Vi ser at helseutdanningane er populære og at nedgangen for real- og teknologifag ser ut til å vera snudd, seier statsråd Tora Aasland i ei pressemelding. 

Også i år er tendensen at mange ønskjer å studere i dei store byane, særleg i Oslo, Bergen og Trondheim. I nord er det Bodø og Tromsø som får flest søkarar.

Opptaket til lærarutdanningane er stabil, med ein liten auke i den 5-årige lærarutdanninga. Når det gjeld  grunnskulelærar- og førskulelærarutdanningane i sentrale strøk er opptaket stabilt godt, men det er framleis ledige studieplassar ved enkelte institusjonar i distrikta.

– Vi hadde håpa at endå fleire søkarar ville vore kvalifisert for opptak til grunnskulelærarutdanninga for trinn 1-7. Å vera lærar på desse trinna er ein av dei aller viktigaste jobbane i samfunnet vårt, seier statsråden.

Det er sendt ut vel 6 prosent fleire tilbod om studieplass til helse- og sosialfagutdanningane i år samanlikna med i fjor.  – Eg tolkar auken i søknaden til helse- og sosialfaga som eit uttrykk for at  mange gjerne vil vera med på å utvikle velferdssamfunnet, seier statsråden.

Også til realfaglege og teknologiske studium er det sendt ut fleire tilbod om studieplass i år enn tidlegare.

– Det er gledeleg at stadig fleire jenter vert tekne opp til desse studia, og eg merkar meg med interesse at nanoteknologistudiet ved NTNU ser ut til å vera populært blant dei yngste søkarane, seier statsråden.

Førebels står 13 900 kvalifiserte søkarar utan studieplass.  – Eg oppfordrar søkarar til å vera aktive på restetorget. Der finst det framleis mange spennande tilbod, avsluttar statsråden, og viser til at nær 3000 plassar no vert lyst ut på restetorget.

 

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...