Heim Nyhende Berre éin av dei 50 mest spelte songane på norsk radio er...

Berre éin av dei 50 mest spelte songane på norsk radio er på norsk

Kan du gjetta kva song det er?

  «Riv i hjertet» av henningsværingen Sondre Justad blei spelt 1209 gonger på norsk radio i 2015, med ei samla speletid på 78 timar, 52 minutt og 19 sekund – til saman tre døgn og ein halv dag. Det gjer han til den mest spelte songen med norsk tekst, viser ei oversikt frå vederlagsbyrået Gramo.

Visste du at mange radiokanalar speler mest norsk musikk om natta? Finn ut kvifor her!

Heile 48 songar med engelsk tekst fekk gjekk meir på radio enn «Riv i hjertet», som altså er den einaste med norsk tekst på topp 50. Likevel er det ein annan norsk song som blei spelt oftare.

Allsongfavoritten «Pinne for landet» med drammensaren og den sjølverklærte festsjefen Freddy Kalas blei spelt heile 1727 gonger. Fordi songen er kortare, fekk han likevel 40 færre minutt på lufta enn «Riv i hjertet», og hamnar difor på 51. plass på topplista rangert etter samla speletid.

LES OGSÅ: Slik gjekk det då gutane på asylmottaket høyrte på “Grisen står og hyler”

Dei mest spelte songane med nynorsknær tekst er «Den finaste eg veit» med Hellbillies og «Du fortenar ein som meg» med Daniel Kvammen, begge med godt og vel to døgn speletid.

Norsk musikk har hatt ein kraftig vekst på spelelistene til NRK P3 dei siste tjue åra. Les meir om det her.

Songen som blei spelt aller mest, «Take Me to Church» av irske Hozier, gjekk til samanlikning på radioen i 252 timar, 42 minutt og 5 sekund, altså halvanna veke med speletid.

Kygo er ikkje uventa den norske artisten med desidert mest radiotid totalt. Meir sensasjonelt er det at han også dankar ut all internasjonal konkurranse. 24-åringen frå Fana fekk over hundre timar meir speletid enn både Taylor Swift og Rihanna, som tar opp andre- og tredjeplassen på lista. «Firestone» av Kygo er den tredje mest spelte songen på norsk radio totalt.

Les heile statistikken her (PDF, 4.83 MB)

Les også kvifor Musikernes fellesorganisasjon krev meir norsk musikk i NRK

NYNORSK INSPIRASJON

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

MEST LESE

Opplæringslova må sikre likeverdig digital skulekvardag

Nynorskelevane har i dag ein digital skulekvardag som er heilt dominert av skjermtekstar på bokmål. Ei kraftig kursendring må til for å...

Brageprisen til Erlend Skjetne og Jon Fosse

Forfattar Erlend Skjetne får Brageprisen for den første ungdomsboka si, «Eit anna blikk». Brageprisvinneren fortel historia med unge Anwars...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

NRK Super får reaksjonar for BlimE!-satsing utan nynorsk

Då lærar Hilde Boksasp Lerum bad NRK om å få undervisingsopplegget til BlimE!-aksjonen på nynorsk fekk ho beskjed om å sende dei...