Heim Nyhende Bokmålskrav gav mindre skuleklassar

Bokmålskrav gav mindre skuleklassar

 

I nynorskkommunen Sula på Sunnmøre har ei gruppe foreldre no kravd å få eigen bokmålsklasse for barna sine for å få ned elevtalet i kvar klasse.

Bokmål for førsteklassingar er noko heilt nytt på dei kantar. Men dei to førsteklassane ved den nybygde Langevåg skule på Sula sør for Ålesund hadde elles vorte på 28 elevar kvar til hausten. No blir det i staden tre førsteklassar, éin av dei ein bokmålsklasse på 14 elevar, skriv Sunnmørsposten.

Etter opplæringslova er det grunnlag for å opprette ein eigen parallellklasse viss minst ti foreldre krev at barna deira skal få opplæring på ei anna målform enn den som elles er opplæringsmålet ved skulen.

Leiaren i Sunnmøre Mållag, Terje Kjøde, seier til avisa at han meiner bokmålsklassen i nynorskland handlar meir om storpolitikk enn språkpolitikk.

– Daverande undervisningsminister Kristin Clemet (H) fjerna i 2003 makstalet for elevar i ein klasse og erstatta det med ei rund verbal formulering. Dette har det ikkje vorte god politikk av i praksis, seier den pensjonerte rektoren frå Ørsta.

Kjøde synest likevel det er freistande å tenkje seg Sula-grepet nytta med motsett forteikn i meir bynære strøk.

– Tja, kvifor ikkje gå motsett veg og krevje nynorskgrupper i fleire av randsonene til Ålesund, til dømes i Spjelkavik? Det hadde ikkje vore så heilt unaturleg, meiner Kjøde. (©NPK)

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...