– Det viktigaste med kommunereforma er at dei store bykommunane blir meir robuste og slagkraftige, ifølgje rapport.
NHO og Akademikerne har teke initiativ til rapporten om næringsliv og kompetansebehov i den pågåande kommunereformdebatten, skriv Gemini.no. Forskingsrapporten er utarbeidd av Senter for økonomisk forsking ved NTNU og vart lagt fram av professor i samfunnsøkonomi ved NTNU, Jørn Rattsø, onsdag.
Ifølgje Gemini.no meiner professoren reforma først og fremst må vere ei byreform.
– Kommunereforma må skje i byane. Ein vellykka byvekst vil vere avgjerande for framtidig vekst i Noreg, er noko av bodskapen i rapporten.
Ifølgje rapporten er det avgjerande å lukkast betre med å utvikle dei 20 største byregionane i landet. Gemini.no skriv at minst tre byregionar (Stavanger, Bergen og Trondheim) er anbefalt få same styringsmodell som Oslo, ved at dei overtek fylkeskommunale oppgåver.
Det blir også anbefalt at dei mindre distriktskommunane bør bli større, men rapporten meiner det er urealistisk å tru at dei skal ha like mange oppgåver og like stor fridom som bykommunane. (©NPK)
