Heim Nyhende Folkemusikkpoesi til Ulvik poesifestival

Folkemusikkpoesi til Ulvik poesifestival

Felespelar Mari Skeie Ljones har fått med seg seks samtidspoetar til å skapa ny sjanger.

 

Ljones har fått poetane til å skriva tekstar med rot i spelemannssoger i Gudbrandsdalen. Saman har dei skapt ein ny sjanger: Folkemusikkpoesi.

Førestillinga «Spring du fela» vert det første musikkarrangementet på Ulvik poesifestival 9.–11. september.

– Dette vert ein knallstart på musikkprogrammet på festivalen. Nye dikt, skrivne til gamle forteljingar, med nye tonar og heile fem unge og dyktige musikarar på scena er perfekt for Ulvik poesifestival, seier dagleg leiar Geir Netland på Hauge-senteret i ei pressemelding.

Mari Skeie Ljones har sjølv tonsett dikta. Med seg på scena har ho Camilla Granlien på fele og vokal, Jo Fougner Skaansar på vokal og hapidrum, Olav Christer Rossebø på gitar, mandola og mandolin, og Gaute M. Sortland på gitar og vokal.

Anna Kleiva ein av poetane som har skrive tekstane til «Spring du fela». Den 31 år gamle poeten har allereie gitt ut tre diktsamlingar, fått fire litteraturprisar og er ein del av ein ny generasjon nynorskforfattarar. Frå før av er det klart at dei etablerte nordiske forfattarane Pia Tafdrup og Gyrđir Elíasson kjem på festivalen. Anna Kleiva er ein heilt ny generasjon.

– Me er glade for at me har eit stort mangfald av arrangement og forfattarar på festivalen.

Etablerte artistar som Tønes, Ane Dahl Torp og Solveig Slettahjell får selskap av yngre og nyare krefter. Det er mykje å gle seg til på Ulvik poesifestival, avsluttar Geir Netland.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...