Politiet får refs frå Språkrådet for å bruke for lite nynorsk, skriv NRK Hordaland.
Språkrådet vurderer i kor stor grad statlege verksemder er flinke til å bruke nynorsk. Politiet er ei av verksemdene som no sviktar språkleg, slår Språkrådet fast.
– Altfor mykje blir skrive på bokmål. Dei bruker nesten ikkje nynorsk i det heile, seier Sylfest Lomheim, direktør i Språkrådet, til NRK Hordaland.
Hordaland politidistrikt er ein av institusjonane som skal bruke nynorsk, dei lovar no å auke nynorskprosenten.
– Eg må vel vedgå at sjølv om eg er nynorskbrukar og kjem frå eit nynorsk distrikt så er det ikkje alltid like lett å bruke nynorsk, seier Olav Valland, administrasjonssjef i Hordaland politidistrikt.
– Me kan bli betre på dei fleste område, også når det gjeld språkbruken, men me ser at me får daglege henvendingar frå sentrale styresmakter på bokmål, seier Valland.
Les meir hjå NRK Hordaland.
