Heim Nyhende Forlag vil ikkje vere med på e-bokløysinga

Forlag vil ikkje vere med på e-bokløysinga

Mange forlag kjem ikkje til å vere med når bokbransjen 4. april lanserer den felles e-bokløysinga Bokskya.

Bak fellesløysinga står dei tre store forlaga Gyldendal, Aschehoug og Cappelen Damm, men alle forlag kan lansere e-bøker gjennom Bokskya. Ifølgje Aftenposten har ingen av dei mellomstore forlaga signert avtale med Den norske Bokdatabasen, som driv Bokskya.

Avisa har vore i kontakt med ti forlag, nokre seier at dei kanskje kan gå med på ei løysing seinare, særleg viss vilkåra blir betre. Andre seier det er uaktuelt å vere med i det heile teke.

– Det er uheldig at det ikkje blir ein felles avtale. Men me har fått presentert ein kontrakt me ikkje kan leve med. Kagge forlag kjem ikkje til å skrive under på dette, seier forlagssjef Anne Gaathaug til Aftenposten.

Ifølgje avisa vil Bokskya ha 10 prosent frå forlaget av kvar e-bok som blir selt.

– Sett saman med kva bokhandlarane kjem til å krevje, blir dette altfor dyrt, seier Gaathaug.

Administrerande direktør Edmund Austigard i Den norske Bokdatabasen seier at 19 forlag utanom eigarforlaga har skrive kontrakt. Han vil ikkje opplyse kva forlag det gjeld. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...