Heim Nyhende Frå motbakke til medvind i Lærdal

Frå motbakke til medvind i Lærdal

For to år sidan mista Lærdal 90 arbeidsplassar. Det siste halvåret har kommunen fått 52 nye.

 

– Dette snur ein negativ trend, seier ordførar Jan Geir Solheim til NRK. Han minner om at kommunen har hatt mykje å slita med den seinare tida. I tillegg til tapet av mange arbeidsplassar på kort tid og ein stram kommuneøkonomi, blei 40 hus totalskadde i storbrannen som herja bygda i januar.

Men no ser framtida lysare ut. Både innan offentleg og privat sektor dukkar det opp nye arbeidsplassar.

– Fleire av dei nye arbeidsplassane i privat sektor kjem i verksemder som sørvar ein marknad utover regionen og som gjerne er plasserte i Lærdal på grunn av den sentrale plasseringa, seier dagleg leiar Arve Tokvam i Lærdal Næringsutvikling til NRK.

Han får støtte av ordføraren.

– Stadig fleire får auga opp for kor sentralt Lærdal ligg i landet, og kor kort veg det er til dei største byane våre, seier ordføraren som gler seg over den nye optimismen.

Kommunen har no 30 ulike prosjekt i gang for å utvikla arbeids- og busituasjonen i Lærdal. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Ingvild Bryn får nynorskprisen for journalistar

Ingvild Bryn er for mange sjølve nynorskrøysta. Etter ei særs variert karriere i NRK kan ho no også smykke seg med tittelen som vinnar...

Lærarutdanningane må ta språkansvar

Lærarutdanningane skal utdanne lærarar for heile landet, og då må alle lærarstudentar, uavhengig av fag, rustast til å vere lærarar i nynorske klasserom. Lærarutdanningane er...

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...