Heim Nyhende Fryktar søndagsopne butikkar vil svekkja distrikta

Fryktar søndagsopne butikkar vil svekkja distrikta

Forslaget til regjeringa om søndagsopne butikkar vil slå negativt ut for butikkane i distrikta. Det meiner fleire sentrale aktørar i bransjen og i norsk næringsliv.

 

– Det er liten tvil om at vi vil få ei svekking av distriktsbutikkane dersom det blir eit frislepp på søndagane, seier konserndirektør Per Roskifte i Norgesgruppen til Nationen.

Han viser til at dette var ein klar tendens då Danmark liberaliserte handelen.

LES OGSÅ: Hareide rustar til søndagsslag

Også kommunikasjonsdirektør Kristin Paus i Coop er skeptisk til forslaget. Ho er redd det vil føra til auka lønskostnader og høgare matvareprisar og at dette i verste fall vil føra til at butikkar må leggja ned.

– Regjeringa seier dette handlar om valfridom for folk, men for oss handlar det meir om tvang, seier Paus.

LES OGSÅ: Folkefleirtal mot søndagsope

Også direktøren for daglegvare i bransjeorganisasjonen Virke, Ingvill Størksen, fryktar forslaget vil ramma distriktsbutikkane. Det meiner ho er svært uheldig.

– Viss distriktsbutikkane går dukken, har det store konsekvensar for lokalsamfunnet og busetjinga, seier ho og peikar på at butikkane i distrikta er ein viktig møteplass og bidreg til å halda oppe busetnaden.

Tal Nationen har henta inn frå Virke viser at distriktsbutikkane alt er hardt pressa og at talet på slike butikkar dei seinare åra har gått ned med rundt tjue kvart år. (©NPK)

LES OGSÅ: Nei til søndagsopne butikkar

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...