Heim Nyhende Full pakke under festspela

Full pakke under festspela

Dei nynorske festspela lovar heftige debattar, sterk litteratur og gode samtalar i Ivar Aasen-tunet mellom 26. – 29. juni.

 

Temaet for festspela er «Makt» og årets festspeldiktar er forfattar og skribent Agnes Ravatn. Det er tydelegvis ein kombinasjon som slår an.

– For første gong i historia er vi heilt utselde for festspelpass, så det er ingen tvil om at programmet er godt, seier Laila Walseth Lid i Ivar Aasen-tunet.

Av enkeltbillettar er opningsarrangementet allereie utselt, og dei som vil høyre Linda Eide snakke seg gjennom 200 år på to timar må skunde seg for å kapre dei siste ståplassane.

– Vi har eit aktuelt tema og eit godt program. Den samla pakken gjer at mange vel å bruke helga i Ørsta og Volda, både tilreisande og lokale, fortel Lid.

Frå bar til gudsteneste

Programpostane spenner frå Målbar på Møre Folkehøgskule til friluftsgudsteneste i Ivar Aasen-tunet. Festspela tek altså sikte på å fylle dei fleste behov.

Det kan ligge an til debatt når Jon Hustad, Hilde Sandvik og Jan Inge Sørbø skal snakke med Audhild Gregoriusdotter Rotevatn rundt temaet «Kven bestemmer kva som er norsk?». Samtalar om alt frå språkleg fridom, digital makt, kvifor dikting er viktig og Arne Garborg som religionskritikar står også på programmet.

Fredagen skal politisk journalist Ingunn Solheim i NRK få utdelt Kulturdepartementets nynorskpris for journalistar.

Ivar Aasen-tunet byr også på noko for den kunstinteresserte og har invitert Ørnulf Opdahl til å vere festspelutstillar. Utstillinga vil stå i Aasen-tunet utover sommaren, og er gratis under festspela. Opdahl er kjent langt utover landegrensene for tolkingane sine av den mektige vestlandsnaturen

Unik Nordstoga-konsert

Årets nynorskbrukarar 2014, Aasmund og Odd Nordstoga, skal bidra på fleire arrangement, mellom anna i ein samtale med forfattar Maria Parr. Opningstorsdagen held Nordstoga-brørne konsert i uteamfiet på Ivar Aasen-tunet.

– Vi har stått på same scene mange gonger før, men ikkje med våre eigne respektive repertoar å spele frå. Slik sett blir dette ei heilt ny oppleving både for oss og publikum, seier Odd Nordstoga til festspelavisa.

Laurdagskvelden er det Bodø-bandet Kråkesølv som skal stå for tonane i uteamfiet.

Også det siste arrangement under Festspela går før seg under open himmel. Då skal fleire aktørar framføre musikk til dikt av den avdøde lyrikaren, munken og samfunnsdebattanten Arnfinn Haram i uteamfiet. (©NPK)

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...