Heim Nyhende Gjentek nynorsk operasuksess

Gjentek nynorsk operasuksess

For andre gong set Den Norske Opera & Ballett opp ein nynorsk libretto for born av Rune Belsvik. – Det viser at nynorske passar over alt, meiner leiar i Noregs Mållag.

Over 2300 publikummarar fekk i fjor med seg den nynorske barneoperaen «Stormen – forteljinga om Miranda og Ferdinand » på Scene 2.

–Det vil seie at me selde 87 prosent av det totale talet seter, forklarar pressekontakt ved Den Norske Opera Hedda Høgåsen-Hallesby.

Oppsettinga fekk gode kritikar for si dristige formidling og Barnekoret vann ein internasjonal pris for det pedagogiske opplegget rundt førestillinga. Prisen vart delt ut av RESEO – The European Network for Opera and Dance Education.

LES OGSÅ: Belsvik debuterer i Operaen

Tøff prinsesse
Allereie før premieren på omskrivinga av det klassiske Shakespeare-stykket var Rune Belsvik i gang med sin neste libretto – «Snøkvit – ein barneopera».

Denne gongen er det brørne Grimm sitt klassiske eventyr som har fått ei overhaling av barnebokforfattar Belsvik. I «Snøkvit» anno 2015 prinsessa ei tøff jente som vinn sin prins gjennom å ikkje freista å vera nokon annan enn den ho er.

I kveld er 75 unge operastjerner klare for urpremiere på den andre nynorske operaen i operahuset i Oslo. Ei førestilling som skal gå på Scene 2 fram til 30. mai.

Musikken er tilpassa medlemmene i Barnekoret ved Den Norske Opera & Ballett i samarbeid med komposisjonsstudiet ved Norges musikkhøgskole.

På nettsidene skriv Operaen at førestillinga eignar seg best for born i alderen 3-12 år.

Sjå video frå Snøkvit-workshop her!

LES OGSÅ: Nynorsk storm i Operaen

– Nynorsken passar over alt
Noregs Mållag er overbegeistra over at ein igjen kan sjå nynorsk opera i hovudstaden, og meiner dette sender eit flott signal.

– Det viser at nynorsken passar over alt, både i populærkultur, barnekultur og høgkultur, seier leiar i Noregs Mållag Marit Aakre Tennø.

Ho merka seg at skildringa på nettsidene til Den Norske Opera var skriven på bokmål. Ho reknar med at dei ikkje har tenkt over målforma, noko som ofte er svaret Mållaget får når dei spør.

– Ein kan spørje seg om nynorsk passar på scena, men ikkje på Internett. Dei er ikkje underlagt noko regelverk, så dei gjer sjølvsagt som dei vil. Dette viser likevel kvifor Mållova er viktig i andre delar av samfunnet. For på stader der bokmål er majoritetsforma er det ofte slik at dei ikkje tenkjer på nynorsken. Når dei har teke seg bryet med å setje opp eit nynorsk stykke hadde det vore ein fin gest om skildringa på nettsidene òg var på nynorsk, meiner Aakre Tennø, som likevel er mest oppteken av at nynorsken får verdifull scenetid.

– Gjennom å setje opp to barneoperaar på nynorsk syner Den Norske Opera at dei er oppteken av mangfaldet i heile Noreg, rosa Mållagsleiaren.

LES OGSÅ:19-åring debuterer med ungdomsopera

Diskuterer språket
Til Framtida.no forklarar pressekontakten at grunnen til at dei skriv om «Snøkvit» på bokmål på nettsidene deira er fordi det  er målforma ved Den Norske Opera & Ballett, inkludert kodinga på nettsida.

– Men det er eit område me diskuterer, avslørar Høgåsen-Hallesby.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...