Heim Nyhende Gjev støtte til Nynorskbyen Førde

Gjev støtte til Nynorskbyen Førde

Kulturdepartementet har fordelt nær 4 millionar kroner til 16 ulike språktiltak. Av heile potten går vel ein million til ulike nynorskrelaterte prosjekt.

 

500.000 går til prosjektet «Nynorskbyen Førde».

– Av nynorsktiltaka vil eg særleg trekkja fram prosjektet «Nynorskbyen Førde», seier kulturminister Thorhild Widvey i ei pressemelding. Formålet er å skapa ein sterkare nynorskspråkleg identitet i byen og regionen. Det skal bli spennande å sjå om dette kan inspirere til tilsvarande språkleg identitets- og merkevarebygging også i andre delar av nynorskland, seier kulturministeren.

– Dette var jo veldig hyggeleg, seier Trond Ueland, kommunalsjef med ansvar for kultur i Førde kommune. Kommunen får mindre pengar enn dei søkte om. Ueland seier til Framtida.no at han vil lesa løyvingsbrevet til departementet før han gjev meir detaljar om kva tiltak som vil bli sett i verk først.

Mellom tiltaka som dei har søkt om pengar til er merkevarebygging, leselystprosjekt, Firda junior, språkblomar, nynorskkurs, litteraturhus, nynorskpark og ein Nynorskens dag.

LES OGSÅ: Førde vil bli Nynorskbyen

Søknader for 16 millionar

Departementet gjev 1,3 millionar til fire terminologi­prosjekt – om ikt, realfag, medisin og maritim ordbok.

– Utvikling av norsk terminologi er nøkkelen til å styrkja norsk fagspråk. Terminologiprosjekt er dermed eit viktig bidrag til å sikra at norsk kan fungera som eit mest mogleg fullverdig språk i eit stadig meir spesialisert kunnskapssamfunn, seier kulturminister Thorhild Widvey.

Kulturdepartementet lyste ut prosjektmidlane i byrjinga av juni i år med søknadsfrist 1. september. Departementet har hatt over 30 søknader til behandling, med samla søknadssum på vel 16 millionar kroner.

Her ser du kva andre språktiltak som har fått støtte!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...