Styret i LNK har vedteke at alle medlemene skal få tilbod om eit gratis språkkurs.
Bakgrunnen for at LNK no ynskjer å tilby eit gratis språkkurs er at organisasjonen stadig får inn fleire meldingar frå medlemer om at det er eit stort og udekka behov for norskopplæring i kommunane. Kurset På saklista er eit samarbeid mellom LNK og Høgskulen i Sogn og Fjordane. Sjølve kursheftet er skrive av førsteamanuensis ved høgskulen, Jan Olav Fretland.
For å klare å gjennomføre dette må kursa fordelast gjennom året. Hausten 2010 /våren 2011 er det medlemer i Telemark, Rogaland, Oppland, Buskerud, Aust-Agder og Vest-Agder som får tilbodet. Tilbodet gjeld ein kursmodell med diagnose, ein kursdag, mellomliggjande arbeid og ny kursdag. Kurset blir også tilpassa slik at ein kartlegg kva problem kursdeltakarane slit spesielt med.
Les meir om kurset her.
