Heim Nyhende – Greitt med bokmål i riksmedia

– Greitt med bokmål i riksmedia

Den nye programleiaren i Lydverket på NRK, Asbjørn Slettemark (34), klarer seg fint med bokmål. Men dialekten vil han gjerne halde på.

– Kva forhold har du til nynorsk?
– Eg snakkar jo strengt tatt nynorsk og blir glad når eg høyrer Finn Tokvam på radioen eller les bøker av Ragnar Hovland. Utover det engasjerer eg meg særdeles lite i målkampen, eg klarar meg finfint med bokmål.

– Burde ein gjere noko for å stimulere til meir nynorsk, eller dialekt, i norsk musikk?
– Det bør artistar få velja sjølve, å ”stimulera” til tendensar eller trendar høyres ut som eit mislykka forsøk på noko som må koma av seg sjølv.

­­– Blir det viktig for deg å bruke dialekten din i jobben som programleiar i Lydverket?
– Eg tenkjer nok ikkje så mykje over det, men prøver jo å halde på sunnhordlandsdialekten min.

– Skriv du nynorsk sjølv privat?
– Nei, aldri. Bokmål har vore mitt skriftspråk sidan tidleg på 90-talet. Eg skreiv nokre artiklar på nynorsk i Gula Tidend og Bladet Sunnhordland på 90-talet, elles har eg brukt bokmål.

­– Du skreiv ikkje nynorsk i jobben som redaktør i tidskriftet Faro Journalen?
– Nei, det fall seg aldri naturleg. Eg har nok alltid meint at det har vore greitt å skrive bokmål i riksmedia, utan at det er ei kampsak for meg.

–Kva trur du om framtida til nynorsken?
– Nynorsken kjem nok til å vere eit vitalt språk for litteratur, men det kjem nok ikkje til å bli noko større eller meir innflytelsesrikt enn det er per dags dato.

– Korleis blir det å ta over jobben som programleiar i Lydverket?
– Det er litt skummelt, men også spanande. Min forgjengar, Ingerid Stenvold, var ein proff og dyktig programleiar, men eg håpar at det skal gå seg til i løpet av dei første programma.

– Kven drøymer du om å intervjue?
– Tja, eg har aldri vore spesielt slått i bakken av store stjerner, men det er klart at ein produsent som Dr. Dre eller ein artist som Eminem står høgt på lista. Ein time med Bruce Springsteen hadde heller ikkje vore å forakta.  

– Kva program skal Lydverket bli i framtida?
– Det blir nokre endringar, men den viktigaste for dei som ser på, er nok at det blir filma med publikum i salen og artistar på scenen. Lydverket skal også bli meir nyhendeorientert.

– Kvifor trur du så mange reagerte på dei sterke meiningane du hadde som IDOL – dommar?
– Hehe, eg seier som Jack Nicholson i filmen A Few Good Men: ”You can´t handle the truth!”.

FAKTA:
Asbjørn Slettemark (34)
Bur: Er frå Husnes i Kvinnherad, men bur i Oslo.
Aktuell: Byrja 10. august som ny programleiar i musikkprogrammet Lydverket på NRK. Første sending er 30. september. Tidlegare kjend som redaktør i musikkmagasinet Faro Journalen og som dommar i tv-programmet IDOL.
Språk: Bokmål. Prøver å halde på dialekten.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...