Heim Nyhende Håpar på eit løft for litteraturen

Håpar på eit løft for litteraturen

– Me må gi folk positive opplevingar av å lese, seier dagleg leiar i foreninga !Les, Ketil Kolstad, om  Leseåret 2010.

– Me treng eit leseår fordi ei lesande befolkning ikkje er ei sjølvfølgje. Noreg er eit land av lesarar der 93 % av befolkninga las minst ei bok det siste året, og der norske foreldre er i europatoppen når det kjem til høgtlesing for barn. Dette er gledelege fakta, og eit resultat av langsiktig satsing på å gjere litteratur tilgjengeleg, meiner Kolstad.

Han meiner no Leseåret 2010 bør ha som målsetjing å få enno fleire til å lese meir, noko som forhåpentlegvis vil bidra til å minske skilnadene mellom sosiale lag, kulturar og kjønn, slår han fast.

– Leseåret er i så måte eit demokratiserande prosjekt. Skal vi lukkast, er det aller viktigaste å gi folk positive opplevingar av det å lese og av litteraturen.

– Kva forventingar har du til Leseåret 2010?

– Me veit enno ikkje noko om kva Leseåret 2010 vil bringe av konkrete tiltak. Det er løyva 6 millionar over statsbudsjettet, noko som kan hende ikkje er nok til å møte forventningane til aktørane på lesefeltet. Men eg håper at leseåret vert eit skikkeleg løft for lesinga og litteraturen sine kår. Det må vere lov å håpe at ein nyttar høvet til å samordne fleire av dei eksisterande lesetiltaka, slik at vi får enno meir ut av dei. Heile befolkninga skal ved eitt eller anna høve støyte på Lesåret, anten det er i institusjonar som skule, bibliotek eller sjukeheim, eller i det offentlege rom. Eg forventar at mange får ei positiv oppleving av det å lese, og håper at dette vert særdeles smittsamt, seier han.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...