Heim Nyhende Håpar storfilm skal lokka turistar og vekkja politikarar

Håpar storfilm skal lokka turistar og vekkja politikarar

Ordførar i Stranda kommune håpar den norske katastrofefilmen «Bølgen», som har premiere neste år, både skal lokka fleire turistar til Geiranger og gjera politikarar og forskarar meir opptekne av ras og rassikring.

 

Utgangspunktet for filmen er skrekkscenariet innbyggjarane rundt Synnylvsfjorden på Sunnmøre har hengjande over seg; om kva som vil skje når eit stort fjellparti ved Åknes i Stranda kommune rasar ut og ei stor flodbølgje slår inn over land og folk. Fagfolk meiner at 54 millionar kubikkmeter fjell i verste fall vil rasa ut og at fjorden enkelte stader vil heva seg over tretti meter.

Filmen har eit budsjett på 48 millionar kroner og blir karakterisert som storslegen og spektakulær, men i Stranda kommune er det ikkje alle som likar at det blir laga underhaldning av trusselen dei lever under. Ordførar Jan Ove Tryggestad (Sp) er ein av dei som har vore skeptiske.

– Det verkar som det var lettare å få løyvd millionar til ein katastrofefilm enn å investera i sikring og overvaking, seier han til A-magasinet.

Han seier samtidig at skepsisen i lokalsamfunnet til filmen er mindre no og at kommunen heller vil prøva å bruka filmen positivt.

– Vi har for lengst innsett at det ikkje er noko mål å kjempa imot. No må vi klara å skapa meirverdi gjennom merksemda filmen vil gje, seier Tryggestad. Han håpar filmen både skal lokka til seg fleire turistar og få forskarar og politikarar til å bli meir opptekne av skredfare og beredskap. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...