Heim Nyhende Heider til matspesialitetar

Heider til matspesialitetar

Nye, spesielle produkt av klippfisk, ost, smør og is kan heretter smykke seg med Spesialitet-merket.

 

Merket blei delt ut til mathandtverkarane Dybvik AS frå Fiskarstrand, Eiker Gårdsysteri ved Hokksund, Avdem Gardsysteri i Lesja og Galåvolden gård ved Røros av representantar frå regjeringa under den store matfestivalen «Matstreif» i Oslo fredag. For å få eit slikt spesialitetsmerke må produkta bli vurderte som ei unik smaksoppleving samanlikna med andre produkt i same kategori.

Fisk for den travle

Klippfiskverksemda Jakob og Johan Dybvik AS blei etablert i 1923. No kan nye produkt i sortimentet deira marknadsføre seg som spesialitet. «Klippfisk Loins Extra» er eit eksklusivt ryggstykke av tradisjonell klippfisk, medan produktet «321Ovn» er tilpassa dagens travle menneske og er eit forsøk på å gjere klippfisk til rask kvardagsmat.

– Klippfisk er ein matskatt som vi må ta godt vare på. Han er elska langt utover norskegrensa, og det er gledeleg at det tradisjonelle produktet også blir tilpassa den travle kvardagen vår, sa nærings- og fiskeriminister Elisabeth Aspaker under den offisielle tildelinga av spesialitetsmerket.

Mjølkeprodukt

– Merking av lokal mat er viktig og det er gledeleg at så mange som tre nye landbruksprodukt også får spesialitetsmerket, sa statssekretær Hanne Maren Blåfjelldal i Landbruks- og matdepartementet.

Avdem gardsysteri kan heretter setje spesialitetsmerke på smøret sitt som er kinna av upasteurisert rømme.

Ein spesiell ost blir modna i gruvene på Blaafarveværket på Modum i minst eit halvt år. No kan produsenten Eiker Gårdsysteri marknadsføre gruveosten sin som spesialitet.

Galåvolden gård kan setje spesialitetstempelet på fire variantar av heimelaga is med smak av tyttebær, molter, jordbær og krokan.

Lokale oppskrifter

Spesialitet-merket er eit informasjonsmerke for norskprodusert mat og drikke, basert på dei beste lokale råvarene og særeigne lokale oppskrifter. Merket skal bidra til større mangfald og verdiskaping i norsk matproduksjon og produkta blir vurderte av eit uavhengig fagutval med høg matkompetanse. Det er i dag 232 norske mat- og drikkevarer som er tildelt Spesialitet-merket for unik smak.

– Spesialitetsmerket er ikkje til sals, det må du fortene. Omtrent ein tredjedel av dei som har prekvalifisert seg kjem ikkje gjennom det siste, tronge nålauge. Derfor er det ekstra stas at vi kan heidre rekordmange mathandtverkarar under Noregs største festival for norsk mat, seier administrerande direktør Nina Sundqvist i stiftinga Matmerk.

Smak av Noreg

Festivalen Matstreif feira i år 10 års jubileum og er eit samarbeid mellom Innovasjon Noreg, Landbruks- og matdepartementet og Nærings- og fiskeridepartementet. Store og små matprodusentar – over tohundre utstillarar frå heile landet – samla seg denne helga i hovudstaden for å selje og servere lokale smakar i alle variantar og vise mangfaldet av norsk matkultur.

Publikum fekk også høve til å kurse seg i og konkurrere om mat i tillegg til å la seg underhalde.

– Matstreif er blitt eit viktig og stort arrangement – eit utstillingsvindauge og eit bevis på at Noreg er blitt eit spennande matland. Nye gründerar kjem stadig til, inspirert av dei som har gått først, sa konstituert administrerande direktør i Innovasjon Noreg, Finn Kristian Aamodt, under opninga av Matstreif 2014. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Oslo kommune har to nynorskelevar i grunnskulen – får 11 millionar til språkdelte klassar på ungdomstrinnet

Mållaget er fortvila over at pengane til å sikra nynorskelevar i randsonene vert fordelt på alle kommunar. Saka vart først publisert på Framtida.no. Om foreldra til...