Heim Nyhende Hjartesmil-bloggar gir ut bok

Hjartesmil-bloggar gir ut bok

Hjartesmil-bloggar Mariell Øyre vil gjerne leve kunstnarlivet til fulle. No skriv ho og Jostein Avdem Fretland, som ho er trulova med, bok saman.

– Å skrive bok saman med Jostein er som ein draum, og det går veldig glatt. Me er vane med å jobbe i lag og synest eigentleg berre det er kjekt. Me er kvalmande konstruktive og skuffande lite dramatiske når me skriv saman, seier Mariell om bokprosjektet.

Blogg som CV

Boka dei skriv på, skal etter planen kome ut hausten 2013.

– Eg kan seie så mykje som at ho handlar om ein nordmann i London, varmluftsballongar, hemmelege rom og kompliserte familiar. Og sjølvsagt om ein heil masse kjærleik.

Mariell Øyre er frå Årdal og mest kjend for bloggen Hjartesmil, der ho skriv om kvardagslege hendingar, kunst, foto, kjærleiken og resten av livet. Og alt blir skrive med små bokstavar, på nynorsk. For det fekk ho mellom anna i 2011 stipend frå Noregs Mållag. Tidlegare har ho også gitt ut magasin.

– Eg vil framleis blogge, kan ikkje tenkje meg å ikkje gjere det. Det er gjennom bloggen eg har fått alle sjansar eg har fått, han er betre enn ein CV kva dag som helst.

Kunstnarlivet

I dag bur ho og kjærasten i London, ein by der opplevingane står i kø. Ikkje minst for Mariell, som drøymer om å realisere fleire bok- og magasinprosjekt, i tillegg til å utdanne seg som fotograf.

– Ingen dag er lik den før, eg jobbar med dei kreative prosjekta mine om kvarandre og har lite til ingen struktur på kvardagen i grunnen. Ein dag skriv eg heile dagen, ein annan jobbar eg med bilete. I dag har eg berre vore på museum, der eg åt ein blåbærmuffin og smilte til eldre damer med stokk som tok av seg brillene for å sjå på Diane Arbus-fotografia. I morgon anar eg ikkje kva eg driv med. Akkurat no likar eg det best slik, så kan eg i alle fall fortelje borna mine at eg levde kunstnarlivet til det fulle før eg vart vaksen og ordentleg.

Kva skjer framover?

– Om ikkje så lenge leverer Jostein mastergraden sin, og då skal me ha kveitebrødsdagar i London og late som om me er på ferie, og ete middag til frukost og frukost til middag. Så er det meir jobbing som vanleg, mykje tekst og bilete. Og eit hemmeleg prosjekt eg jobbar med, som eg håpar blir ferdig i haust.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...