Heim Nyhende Høgskulealliansen fekk nei

Høgskulealliansen fekk nei

Kunnskapsdepartementet har sagt nei til forslaget om eit alliansesamarbeid mellom høgskulane i Volda, Molde og på Lillehammer. Ministeren vil ha eit vestlandssamarbeid.

 

I eit brev til dei tre høgskulane ventar kunnskapsminister Torbjørn Røe Isaksen (H) no at dei tre tar nye initiativ og finn andre måtar å løyse utfordringane på. Ei eller anna form for fusjon er med andre ord neppe til å komme utanom.

– Eg kan ikkje sjå at ein formalisert alliansemodell for desse institusjonane kan vere tilstrekkeleg til å løyse dei utfordringane som det er vist til i strukturmeldinga, og til å møte nye rammevilkår som følgje av dei strukturendringane som no blir gjennomførte elles i sektoren, skriv Røe Isaksen.

Overraskande

Rektor Johann Roppen ved Høgskulen i Volda er overraska over avslaget.

– Vi må no drøfte situasjonen grundig i leiinga og i høgskulestyret, både for å vurdere brevet og det vidare arbeidet i strukturprosessen, seier Roppen i ei pressemelding.

– Eg er sikker på at vi vil finne gode løysingar for Høgskulen i Volda i det nye høgskulelandskapet, seier han.

Tilrår vestlandssamarbeid

Eit viktig ankepunkt i brevet frå kunnskapsministeren er at lærarutdanninga i Volda ikkje kan oppnå den kvalitetshevinga departementet meiner er nødvendig, gjennom alliansemodellen. Røe Isaksen tilrår eit «forpliktende samarbeid mellom institusjonane på Vestlandet» om lærarutdanningane, slik at studentane i regionen «kan få et bredt tilbud av masterfag».

Dermed kan Høgskulen i Volda bli pressa inn i fusjonsprosessen mellom Høgskulen i Bergen, Høgskulen Stord/Haugesund og Høgskulen i Sogn og Fjordane, som no kan gå mot ei realisering. Dette alternativet har voldingane til no ikkje vore særleg begeistra for.

Høgskulen i Volda har òg samtalar med Universitetet i Bergen om eit tettare fagleg samarbeid, men utan at fusjon er eit aktuelt tema, i alle fall i overskodeleg framtid. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...