Heim Nyhende Ikkje breitt forlik om kommuneoppgåver

Ikkje breitt forlik om kommuneoppgåver

Høgre/Frp-regjeringa er einig med Venstre og KrF om nye oppgåver til norske kommunar, men får ikkje dei raudgrøne partia med seg.

 

Semja om oppgåvemeldinga i samband med kommunereforma opnar for overføring av nye oppgåver til kommunane og til nye, folkevalde regionar.

– Meir makt og oppgåver skal flyttast ned til kommunane og nærmare folk, seier Venstres kommunalpolitiske talsmann André Skjelstad.

Kommunalkomiteens innstilling inneber at ein beheld tre folkevalde nivå, og at vidaregåande skular og kollektivtrafikk blir verande på regionalt nivå.

Kollektivtrafikk kan derimot overførast til større kommunar.

– Dette vil gi dei store byane i Noreg større moglegheit til å samarbeide med regionen om kollektivtilbodet til innbyggjarane, samtidig som vi sikrar eit godt kollektivtilbod i heile regionen, seier Skjelstad.

Nye oppgåver

Det er også klart at fylkeskommunane blir tatt inn i kommunereforma, men med ein klar føresetnad om færre og større regionar.

– Det skal no bli sett på kva for oppgåver som bør flyttast frå statleg til regionalt nivå, slik at makta flyttast nærmare befolkninga, seier KrFs kommunalpolitiske talsmann Geir S. Toskedal.

Ansvaret for tannhelsetenesta vert dessutan overført til kommunane. Det same gjeld tilskotet til frivilligheitssentralane.

– Torpederast

Senterpartiet meiner innstillinga tysdag torpederer kommunalminister Jan Tore Sanners (H) kommunereform. Partiet meiner det er brei motstand mot forslaga om å gi nye oppgåver berre til større kommunar, og til forslaget om å ribbe fylkeskommunane for oppgåver.

– Eg er glad for at Sp saman med Arbeidarpartiet og SV avviser at nye oppgåver til kommunane skal avhenge av kommunestorleiken, seier Sps kommunalpolitiske talskvinne Heidi Greni.

– I feil ende

SVs stortingsrepresentant Karin Andersen meiner regjeringa byrjar i feil ende, og at norske kommunar ikkje først og fremst trenger nye oppgåver, men meir pengar.

– Når fleirtalet, også KrF, ikkje stenger for at store kommunar skal kunne overta ansvaret for vidaregåande opplæring og kollektivtrafikk og flyttar tannhelse, så riv dei opp det som fungere bra i dag, seier ho.

Regjeringa og støttepartia er også samde om å greie ut om ansvaret for basishjelpemiddel og varig tilrettelagde arbeidsplassar (VTA) kan flyttast til kommunane.

– Det mest alvorlege er at stortingsfleirtalet ikkje parkerer forslag som er diskriminering av utviklingshemma og dei som trenger varig tilrettelagde arbeidsplassar (VTA), seier Andersen.

Det skal også greiast ut om familievernet skal overførast til kommunane. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...