Etter røystinga om skulemål ved Vålen skulekrins i Nord-Trøndelag kan det sjå ut til at fylkets einaste nynorsskule går over til å bruke bokmål.
Den rådgjevande folkerøystinga som vart halde onsdag viser at 60 stemde for nynorsk, 78 for bokmål og ein stemde blankt. Sjølv om røystinga ikkje er bindande, er det lite truleg at kommunestyret vil velje å sjå vekk frå den når dei skal handsame saka til slutt, melder Trønder-Avisa. Dermed kan det vere slutt på nynorsk-skular i Nord-Trøndelag.
Det har vore to folkerøystingar om målform i denne skulekrinsen tidlegare. Både på midten av 70-talet og i 2001 vart det då fleirtal for nynorsk.
Nesten halvparten av alle lokale folkerøystingar dei siste 30 åra har dreidd seg om målform.
