Arrangørane peikar på at folk i vår tid blir bedne om å ta vare på så mangt, på miljøet, naturen, familien, venner, på oss sjølve.
– Kven tek desse vala? Korleis prioriterer me? Kven set «verdien»? Kven tek vare på deg? Kven tek du vare på? spør arrangørane som ønskjer å ha søkjelys på dei vala som blir retningsskapande for framtida vår.
Gjennom tre dagar med bøker, musikk og inviterte gjester vil festivalen kasta lys over desse spørsmåla på ulike måtar.
Nynorske littereraturdagar kan mellom anna by på ordskifte mellom ungdom og politikarar, poesiyoga og pop-up konsert, bokbad med aktuelle forfattarar, skuleprogram og barneprogram med forteljarsti og skumle soger i haustmørket. På den musikalske sida kan festivalen mellom anna by på urframføring av verket «Verdsarv» med Karl Seglem og medmusikarar. (©NPK)
