Stortingsrepresentant Jenny Klinge (Sp) får målprisen frå Nordmøre Mållag.
– Jenny Klinge er i dag ein av dei fremste marknadsførarane av dialektene våre og nynorsk, og er i tillegg eit flott eksempel på at ein naturleg og god språkbruk er viktig i effektiv kommunikasjon, seier Trond Skogseth, leiar i Nordmøre Mållag.
Vidare grunngir Mållaget utdelinga med at Klinge som offentleg person bidreg aktivt til at nynorsken blir synleg og høyrt.
– Når Jenny Klinge til dømes talar frå Stortingets talarstol eller i NRK på klingande surn’daling, så kan det motivere andre til å nytte dialekta si, i staden for å tru at dei er tvinga til å knote på bokmål, seier Terje Skogseth i Nordmøre Mållag. (©NPK)
