Heim Nyhende Kolmannskog til Samlaget

Kolmannskog til Samlaget

I dag byrjar Edmund Austigard i jobben som ny administrerande direktør for Samlaget, og det er nå klart at frå neste haust får han med seg Håkon Kolmannskog som forlagssjef for Samlaget Litteratur.

Stillinga som forlagssjef for litteratur inneber overordna ansvar for redaksjonell utvikling, produksjon og marknadsføring. Kolmannskog er i dag forlagssjef i Forlaget Manifest, som han var med på å starte opp for fem år sidan.

Under Kolmannskog si leiing har Forlaget Manifest blitt eit markert og leiande forlag for debattbøker og engasjert sakprosa. Han har før dette vore kronikk- og debattredaktør i Klassekampen. Den nye forlagsdirektøren i Samlaget er tidlegare leiar i Norsk Målungdom.

– Dette var ein sjanse eg ikkje kunne takke nei til. Eg har tidlegare arbeidd i Samlaget og veit at forlaget har svært dyktige tilsette, forfattarar av høg kvalitet og ein inkluderande og kreativ kultur, som eg gler meg til å bli ein del av. Det blir inspirerande å vere med å vidareutvikle både litteraturen, forfattarskap og nynorskens posisjon, seier Håkon Kolmannskog i ei pressemelding.

Administrerande direktør i Samlaget, Edmund Austigard, er svært nøgd med å ha fått Kolmannskog til forlaget.

– Eg er svært glad for å få Håkon med på laget. Bakgrunnen hans frå media og gründerforlaget Manifest vil tilføre forlaget mykje nytt. Samlaget Litteratur får ein leiar som kjenner bokbransjen og dei krava til endring som blir stilt framover. Han vil vere synleg for forfattarane, og bidra til å synleggjere Samlaget og forlagets utgivingar, seier den ferske Samlaget-direktøren.

Edmund Austigard startar i jobben som direktør i dag, medan Kolmannskog startar i august 2012. I mellomtida skal han ha foreldrepermisjon. Anne Liv Tresselt som nå fungerer i stillinga som forlagssjef vil halde fram til Kolmannskog er på plass.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...