Heim Nyhende Kvinnherad kåra til årets kulturkommune i Hordaland

Kvinnherad kåra til årets kulturkommune i Hordaland

– Kulturen i Kvinnherad blømer, sa ordførar Synnøve Solbakken då Kvinnherad kommune vart kåra til årets kulturkommune i Hordaland.

 

Fylkesvaraordførar Mona Hellesnes delte ut prisen 19. februar under ei tilstelling i Litteraturhuset i Bergen.

Heng høgt
– Det heng høgt å bli årets kulturkommune. Kvinnherad er ein kommune som har store ambisjonar for kulturfeltet. Kommunen har tydeleg organisering av kulturlivet med ambisjonar og strategi for å nå måla. Kultur er ein viktig del av den kommunale verksemda. Kommunen skal utarbeide kulturplan.

Bibliotek og kulturskule er populære. Kvinnherad har fått nytt hus til kulturskulen og satsar på nærmiljøanlegg ved skular og idrettsanlegg og har ungdomssenter for uorganiserte. Kvinnherad er festivalkommunen for regionen, sa fylkesvaraordførar Mona Hellesnes.

Mange står bak
Ordførar Synnøve Solbakken tok imot prisen.

– Det er mange som står bak og har bidrege til å få dette på plass. Det er mykje frivillig arbeid og mange søknader om tilskot. Vi har politisk vilje, men den største utfordringa er at vi er så ulike. Vi likar å kalle oss ein festivalkommune med mange festivalar, revyar og aktivtetar året rundt. Vi får mykje besøk, og vi trivst med å gjere arbeidet sjølv, sa ordførar Synnøve Solbakken.

Landsfinale
Norsk Kulturforum (NOKU) kårar årets kulturkommune i samarbeid med offentlege styresmakter på regionalt og nasjonalt nivå. Kvinnherad er, som vinnar i Hordaland, med i konkurransen om årets kulturkommune i Noreg.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...