Heim Nyhende Leitar etter ny direktør

Leitar etter ny direktør

– Me er godt i gang med prosessen med å finne ny forlagsdirektør, seier styreleiar i Samlaget, Kristin Bjella.

Det har storma rundt Samlaget i det siste. Først kom det fram i ei kartlegging frå Den norske Forfatterforening at det var Samlaget som hadde dei minst nøgde forfattarane. Så valde Frode Grytten å forlate forlaget. Kort tid etter kom meldinga om at forlagsdirektør Tove Lie gjekk av.

– Ei totalvurdering av situasjonen i forlaget gjer at eg vel å slutte no. Eg har leidd Samlaget gjennom ei rekkje nødvendige endringar, og slikt skapar uro. Eg ønskjer Samlaget alt godt med alle utfordringane dei har, både når det gjeld marknaden på papir og digitalt, bransjesituasjonen, konkurransen om dei gode forfattarane og den viktige jobben med å spreie nynorsk litteratur. Eg vonar at det no vil bli ro og entusiasme i og rundt forlaget, uttalte Tove Lie då i ei pressemelding.

Ikkje hastverk

Forlagssjef for Samlaget Utdanning, Tom Skovdahl, vart konstituert i stillinga. Styreleiar Kristin Bjella uttrykte respekt for at Lie valde å gå, og ynskte henne lukke til vidare.

– Tove Lie har vore ein sterk pådrivar for viktige vedtak om satsing framover, uttalte ho då Lie gjekk av.

No har stormen stilna noko, og arbeidet med å finne arvtakaren til Lie er i gang. Bjella reknar med at utlysinga er klar om kort tid.

– Me har engasjert profesjonell hjelp til å leite fram og velje ut den rette personen, og styret er sjølvsagt direkte og aktivt engasjert i prosessen. Me veit ikkje når vi har ein ny direktør på plass, men me har ikkje hastverk, seier ho. Ho framhevar at det er god stemning i forlaget, og at ein har ein konstituert forlagsdirektør med brei tillit internt og eksternt. Dermed meiner Bjella ein kan bruke den tida som trengs for å finne den rette personen til direktørstillinga. 

Ingen kommentar

Ho vil verken kommentere årsaka til at Tove Lie valde å gå, eller misnøya blant forfattarane i Samlaget.

– Når det gjeld oppseiinga frå Tove Lie tidlegare i vinter, er det kommentert breitt i media tidlegare, og eg ynskjer ikkje å gå attende til dette no. Det same gjeld Frode Grytten, slår Bjella fast.

Finn Totland er i tillegg konstituert som forlagssjef i Samlaget Litteratur til ny forlagssjef er på plass. Totland tek over etter Margit Walsø, som blir direktør i Norla – Senter for norsk skjønn- og faglitteratur i utlandet.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...