Heim Nyhende LNK prøvde ut digitalt «På sakslista»-kurs: – Heilmaks!

LNK prøvde ut digitalt «På sakslista»-kurs: – Heilmaks!

I fleire år har Landssamanslutninga av nynorskkommunar (LNK) arrangert språkkurset «På saklista». No er det første digitale kurset gjennomført.

– Det var heilmaks og kjempenyttig! seier Dagrun Gunnarson, personalsjef og leiar for fellestenester i Fedje kommune.

Ho tok initiativ til at kurset som var planlagt på Fedje under koronastenginga blei gjennomført digitalt over Teams.

Jostein Avdem Fretland og Jan Olav Fretland haldt kurset over to dagar på Teams. 

– Eg synest det gjekk veldig fint. Det var nesten akkurat som eit vanleg kurs, seier kurshaldar Jostein Avdem Fretland, og seier han er overraska over kor liten forskjell det var mellom vanlege kurs med fysisk oppmøte og det digitale kurset.

– Ekstremt nyttig kurs

Dagrun Gunnarson seier ho er overraska over kor nyttig og konkret kurset var. På saklista-kurset handlar både om å skriva betre og meir korrekt nynorsk, men det handlar òg om klarspråk. Deltakarane sender inn eigne tekstar for å få tilbakemeldingar.

– Me hadde ganske lite tåkeprat, men me blei obs på eigne feil på nynorsk, seier Dagrun Gunnarson, og legg til at det er fleire tilsette i kommunen som ikkje har nynorsk som sitt førstespråk.

– Innhaldet i kurset var ekstremt nyttig, og eg har fått veldig gode tilbakemeldingar frå dei andre deltakarane. I tillegg sit me igjen med nokre standardtekstar som er betre enn dei me hadde.

Enkelt med chat

Dei kring femten kursdeltakarane frå Fedje kommune fekk jobba i grupper, og kommuniserte både via video og i chatfunksjonen.

– Me opplevde at det var enklare å få til samtale på chaten, og konkluderer med at fleire av dei som ikkje er så komfortable med å ta ordet i plenum, tar ordet i Teams over chaten, seier Jostein Avdem Fretland.

Dagrun Gunnarson synest det blei ein koseleg og god dialog med chaten.

Ein annan fordel som dei opplevde i Teams var at lenkjer til ressursar kan delast og bokmerkast fortløpande.

Vil jobba med å utvida kurset

LNK og Fretland & Fretland vil no jobba vidare med å utvida kurset og leggja til rette for nye kurshaldarar, og laga til eit meir straumlinjeforma teknisk opplegg.

Dagrun Gunnarson vil tilrå fleire digitale kurs.

– No har me hatt ein tvangsdigitalisering av offentleg sektor som det gjeld å bygga vidare på, så no er tida inne for fleire digitale kurs, seier ho.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...