Heim Nyhende Lokalavisredaktørar kritiserer distriktsnyheitene til NRK

Lokalavisredaktørar kritiserer distriktsnyheitene til NRK

Fleire lokalavisredaktørar meiner problemet til NRK ikkje er for lite sendetid, men tam lokaljournalistikk. 

 

Den siste tida har distriktsnyheitene til NRK vore i søkjelyset. Mange kritiserte NRK for omlegginga av lokalsendingane der sendetida blei kutta. NRK gjekk tilbake frå omlegginga onsdag, men no haustar dei ein annan type kritikk frå fleire lokalavisredaktørar.

– Med så store ressursar til rådvelde burde NRK gjort ein langt betre jobb, seier redaktør i Finnmark Dagblad, Arne Reginiussen til avisa Klassekampen.

Han meiner NRK har manglande djupne og engasjement i lokalsendingane sine. Også sjefredaktør i avisa Tidens Krav i Kristiansund meiner NRK fell mellom to stolar.

– Det er stor skilnad på kva som er interessant i nyheitsbilete i Ålesund og Kristiansund på ein gitt dag, sjølv om det sjølvsagt finst nokre felles interessefelt, seier han til Klassekampen.

Heller ikkje redaktøren i Moss Avis ser på NRK som ein stor konkurrent når det gjeld lokalnyheiter.

– NRK er inga lokalavis, og har heller ikkje ressursar til å gå tett på nedslagsfeltet til lokalavisene, seier distriktsredaktør i NRK, Grethe Gynnild Johnsen, til Klassekampen som svar på kritikken frå lokalavisredaktørane.

(©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...