Heim Nyhende – Må bli vanleg å skriva nynorsk i aust

– Må bli vanleg å skriva nynorsk i aust

Om landsmøtet går inn for det, får Noregs Mållag for fyste gong ein leiar frå Østfold.

 

– Eg kjem frå Østfold og frå min ståstad er det eit mål at det skal bli heilt vanleg og normalt for folk på Austlandet å skrive nynorsk, at ikkje dei skal bli utsette for press om å tilpasse seg til bokmål. Det gjeld både innfødde og nytilflytta, seier Magne Aasbrenn i ei pressemelding frå Noregs Mållag.

Nynorsk sidan 1991
60-åringen frå Fredrikstad er i dag lektor ved Frederik II videregående skole. Han har vore nynorskbrukar sidan 1991 og leiar i Østfold Mållag sidan 2002.

Aasbrenn har vore ein ivrig forkjempar for østfolddialekten i ei årrekkje. I 1978 debuterte han med romanen Banna ben på fredrikstaddialekt, seinare har det vorte fleire bøker, mellom anna Hjelpebok i nynorsk for østfoldingar (1990).  

Han var òg ein aktiv medspelar då Fredrikstad Blad i høve Språkåret 2013 gav ut ei heil avis utelukkande skriven på fredrikstaddialekt.

Inspirert av dette gav Bergens Tidene ut heile avisa på nynorsk i samband med 200-årsjubileumet for Ivar Aasen 5. august, same år.

– Det syner at østfoldingane også kan vere med å gje hjelp til nynorsken i Bergen og på Vestlandet, meiner Aasbrenn.

– At eg no er blitt beden om å bli leiar i Noregs Mållag, ser eg som ein god skulderklapp for at østfolddialekten er ein naturleg medlem i dialektfamilien i Noregs Mållag.
Det nye nye styret skal veljast på landsmøtet til Noregs Mållag, 15.-17. april 2016 på Hotell Terminus i Bergen.

Aasbrenn vil mellom anna jobba for at kommunereforma ikkje skal gå utover nynorsken, å sikra nynorsken i randsonene og at sidemålsordninga skal liggje fast.

QUIZ: Skjønar du Østfold-dialekt? Test deg sjølv her!

Framlegget til nytt styre ser slik ut: 

Leiar Magne Aasbrenn (60) frå Fredrikstad, leiar i Østfold Mållag, forfattar og lektor ved Frederik II videregående skole.

Nestleiar Jens Kihl (29) frå Oslo og politisk journalist i Klassekampen. Har tidlegare hatt fleire sentrale verv i målrørsla som leiar i Norsk Målungdom og nestleiar i Noregs Mållag.

Inger Vederhus (62) oppvaksen i Flora og bur i Bærum, førstelektor i norsk ved grunnskulelærarutdanninga, Høgskolen i Oslo og Akershus. 

Inger Johanne Sæterbakk (34) oppvaksen i Orkanger og bur i Oslo, kommunikasjonsrådgjevar hjå Norges Bondelag, 

Peder Lofnes Hauge (27) oppvaksen på Sandane i Gloppen og bur i Bergen, politisk rådgjevar for sosialbyråd for Venstre i Bergen. 

Ingrid Fiskaa (38) oppvaksen og bur på Bryne, lektor ved Sandnes vgs.

Varafolk: 1. vara: Haakon Aase (66), Meland, 2. vara: Randi Lohndal Frestad (68), Lista, 3. vara: Birgitta Lim Ersland (26), Oslo og 4. vara Øyvind Fenne (64), Fræna.

Landsmøtet i Noregs Mållag er fredag 15. april til sundag 17. april 2016 på Hotell Terminus i Bergen.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...