Heim Nyhende Målprisen til VG

Målprisen til VG

Målprisen 2017 går til ansvarleg redaktør i VG Gard Steiro. Han får prisen mellom anna fordi han har mjukna opp språkpolitikken i avisa.

– Målprisen er den største prisen vi i Noregs Mållag deler ut. Den går til ein person eller ein institusjon som har gjort ein særleg innsats for nynorsken. Det er veldig stas for oss å få lov å dele ut denne prisen seier mållagsleiar Magne Aasbrenn til Nynorsk pressekontor.

– Eg må først seie at det er ei stor ære å vinne ein slik pris. Samstundes ser eg på lista over tidlegare prisvinnarar at det er mange som har gjort mykje meir for nynorsken enn det eg og VG har gjort, seier Steiro.

Har opna døra for nynorsken

Steiro og VG vinn mellom anna prisen for å ha opna opp for nynorsken på redaksjonell plass.

– Etter at Gard Steiro overtok redaktørstolen i VG har det blitt ei oppmjuking av språket. Journalistane kan no bruke nynorsk der det er naturleg. Han har med andre ord sett døra på gløtt for nynorsk i VG, fortel Aasbrenn.

– Vi har mjukna opp nynorsklinja fordi vi skal vere ei avis for heile folket. Då er det underleg med eit forbod mot nynorsk, fortel Steiro.

Mållagsleiar Magne Aasbrenn deler ut Målprisen 2017 til Gard Steiro. Foto: Noregs Mållag

Ikkje eit resultat av ytre press

– Det er ein lang strid som ligg i botn for prisutdelinga i år. For ti år sidan samla vi inn over 36.000 underskrifter for å sikre nynorsk i VG og Dagbladet. Det har vore drypp av nynorsk i VG tidlegare, men no ser vi det på redaksjonell plass og det er nytt, seier Aasbrenn.

Steiro fortel at oppmjukinga ikkje var eit resultat av ytre press.

– Oppmjukinga kjem som eit resultat av vurderingar vi har gjort internt. Ikkje som resultat av press frå Mållaget eller andre, seier han.

Prisen blei delt ut i samband med nynorsk motivasjonsdag for lærarar frå Oslo og Akershus.

– Det at nynorsken får plass i VG trur eg heilt klart er med på å motivere denne gruppa, seier mållagsleiar Aasbrenn.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...