Heim Nyhende Mange nynorskforfattarar nominerte til litteraturkritikarprisane

Mange nynorskforfattarar nominerte til litteraturkritikarprisane

Sju av dei seksten som er nominerte til litteraturkritikarprisane for 2017 er nynorskbrukarar.

Mangfald og breidde er stikkord for lista over dei nominerte til litteraturkritikarprisane som Norsk kritikerlag har offentleggjort. Dette ber ikkje minst nominasjonane for beste vaksenbok preg av. Her finn vi den kritikarroste romanen til Jan Kjærstad «Berge» side om side med den kritikarroste diktsamlinga til Cecilie Løveid, «Vandreutstillinger».

Den sjølvbiografiske romanen til Olaug Nilssen «Tung tids tale» er nominert i same kategorien, og det same gjeld «Begynnelser» av Carl Frode Tiller. Begge desse romanane er på nynorsk.

I sakprosakategorien er «Nesten menneske. Biografien om Julius», av Alfred Fidjestøl, på plass. Også den er på nynorsk.

Anne Bitsch’ «Går du nå, er du ikke lenger min datter», Geir Hestmarks «Istidens Oppdager» og Marte Spurklands «Klassen» er nominerte i sakprosaklassen.

Maria Parr konkurrerer med Arnfinn Kolerud, Synne Sun Løes, og Magnhild Winsnes om pris i beste barne- og ungdomsbok-kategori. Både Parr og Kolerud skriv på nynorsk.

I kategorien beste omsetjing kjempar Merete Alfsen, Erik Ringen, Øystein Vidnes og Margunn Vikingstad om pris. Dei to siste er begge nynorskbrukarar.

Litteraturkritikarprisane for bokåret 2017 blir delt ut torsdag 1. mars på Litteraturhuset i Oslo. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...