Heim Nyhende Maria Parr og Foreningen !Les nominert til verdas største barne- og litteraturpris

Maria Parr og Foreningen !Les nominert til verdas største barne- og litteraturpris

Heile 14 norske forfattarar, illustratørar og ei foreining for leselyst er blant dei til saman 246 kandidatane frå 64 land som er nominerte til prisen.

– Oi! Det var utruleg stort og kjekt. Eg veit ikkje kor mykje meir eg kan seie enn at det er ei utruleg gledeleg og stor ære, seier Maria Parr på telefon til Framtida.no.

Nyheita var så fersk at ikkje ein gong den beæra forfattaren hadde fått med seg at ho står på nominasjonslista.

Forfattarar, illustratørar og lesefremjande arbeid

Litteraturprisen til Astrid Lindgrens minne vart oppretta i 2002, og er verdas største barne- og ungdomslitteraturpris. Prissummen er fem millionar svenske kroner.

Prisen er internasjonal og blir årleg delt ut til ein eller flere prisvinnarar uavhengig av språk eller nasjonalitet.

Forfattarar, illustratørar, forteljarar eller lesefremmande arbeid kan motta prisen.

Det kjem fram i ei pressemelding frå Foreningen !Les.

Les også: Maria Parr fekk nynorsk barnelitteraturpris 2017

Ei heider av arbeidet for leselyst

Foreningen !Les er stolte over å bli nominerte til ALMA-prisen. Foto: Foreningen !Les

Blant dei norske kandidatane, som i hovudsak består av forfattarar og illustratørar, finn vi òg ei foreining.

Dei jobbar med å formidle litteratur til barn, ungdom og vaksne, og som vil inspirere alle til å lese meire.

– Det er ein stor heider av arbeidet vårt, seier dagleg leiar i Foreningen !les, Silje Tretvoll, i ei pressemelding.

– At vi blir nominerte for fjerde år på rad viser at arbeidet vi gjer med å skape engasjement for lesing og litteratur blir lagt merke til nasjonalt og internasjonalt, legg ho til.

Les også: Brynjulf Jung Tjønn: Frå mobilnotat til ungdomsbok

Skal auke interessa for barne- og ungdomslitteratur i verda

Formålet med prisen er å styrke og auke interessa for barne- og ungdomslitteratur i verda. Basen for arbeidet er FN sin barnekonvensjon om barn sin rett til kultur.

Prisvinnaren blir kåra av ein jury som tek imot nomineringar frå heile verda, og blir offentleggjort den 2. april 2019. Prisen blir administrert av Statens kulturråd i Sverige.

Les også: Melding: Ingenlund er ikkje nye Harry Potter. Universet står trygt på eigne bein

Her er lista over alle som er nominert frå Noreg:

Lene Ask, illustratør
Rune Belsvik, forfattar
Gro Dahle, forfattar
Harald Rosenløw Eeg, forfattar
Fam Ekman, forfattar/illustratør
Anna Fiske, forfattar/illustratør
Stian Hole, forfattar/illustratør
Marit Kaldhol, forfattar
Gry Morsund, forfattar/illustratør
Svein Nyhus, forfattar/illustratør
Maria Parr, forfattar
Bjørn Rørvik, forfattar
Øyvind Torseter, illustratør

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...