Heim Nyhende Navarsete vil ikkje slå saman kommunar

Navarsete vil ikkje slå saman kommunar

Kommunalminister Liv Signe Navarsete avviser at samanslåing er vegen å gå for å løyse problema i kommunesektoren.

Navarsete lova å kjempe for økonomiske rammer som er gode nok for kommunane då ho var til stades på Kommunenes Sentralforbunds haustkonferanse i heimfylket Sogn og Fjordane måndag.

Senterpartileiaren var også klar på at det er kommunane sjølve som må ta initiativet om det skal bli samanslåingar, skriv Bergens Tidende.

– Kommunegrensene er ikkje problemet. Grensene mellom primærhelsetenestene og spesialisthelsetenestene kan vera meir problematiske, sa ho.

– Eg er ikkje motstandar av færre kommunar, men er desidert mot tvangstanken. Tvangssamanslåing løyser i utgangspunktet ingen problem, understreka Navarsete.

Ho innrømmer overfor avisa at samanslåing kan løyse nokre problem enkelte stader, men at det ikkje løyser alle problem automatisk.

– Når det viser seg at berre halvparten av omsorgsarbeidarane på ein institusjon i Oslo er faglærte, så er det eit spørsmål om likeløn og arbeidstid. Når Solund kommune har eit liknande kompetanseproblem, så er det plutseleg på grunn av at kommunen er for liten. Forstå det den som kan, seier kommunalministeren. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...