Heim Nyhende No kan du bli med på kåringa av dei beste nynorske barne-...

No kan du bli med på kåringa av dei beste nynorske barne- og ungdomsbøkene

Bokåret 2019 startar med ei stor kåring av dei beste barne- og ungdomsbøkene på nynorsk.
 

Kva bok på nynorsk berre elskar du? Kva var mest spennande og kva bok fekk deg til å le mest? Eller kanskje var boka god på ein heilt annan måte?

– Me skal kåra dei beste nynorske bøkene innanfor fleire sjangrar, blant anna bildebøker, forteljingar, romanar, diktbøker og faktabøker. Då treng me hjelp av born, unge og vaksne over heile landet til å nominera sine favorittar, seier redaktør Svein Olav Langåker i Framtida.no og Framtidajunior.no i ei pressemelding.

Kåringa er i samarbeid med Pirion, og Nynorsksenteret er med å velje ut dei nominerte bøkene. Første nominasjonsrunde varer fram til 1. mars. Frå 29. januar kan kven som helst gå inn på Framtidajunior.no og Framtida.no og nominera sine favorittar.

SEND INN FAVORITTBØKENE DINE HER! eller på epost til nynorskbok @ gmail.com

Stort samarbeid

Landssamanslutninga av nynorskkommunar (LNK) har fått 500.000 kroner frå Nasjonalbiblioteket til feiringa av Bokåret. Saman med Nynorsk kultursentrum, Garborgsenteret, Falturiltu, Nynorsksenteret, Diktardagane og Rom for ord skal LNK, Framtida.no og Framtidajunior.no gi eit løft med gode lese- og litteraturopplevingar på nynorsk.

– Saman skal me arrangera barnebokveker med 50 arrangement 50 stader i Noreg, og me har som mål å treffa fleire tusen barn og unge, seier Svein Olav Langåker som er prosjektleiar for prosjektet.

Sjetteklassingane ved Kinsarvik skule har vore med på å kåra bøker i Bokslukarprisen. No får dei vera med på å føreslå sine nynorske favorittar. Maria Parr-boka Keeperen og Havet og Svarte-Mathilda-bøkene til Tor Arve Røssland er populære i klassen.

Har behov for å lesa bøker på nynorsk

76137 born lærer nynorsk som førstespråk i grunnskulen dette skuleåret. Om lag 35000 born går i barnehagar i nynorskområde.

Ny forsking frå professor ved UiT Øystein Vangsnes viser at nynorskelevane, og då særleg gutane, har behov for å lesa vesentleg meir nynorsk. Norskkarakterane deira har gått markert ned dei siste ti åra.

– Born med nynorsk som opplæringsmål treng å lesa mykje meir nynorsk for å bli tryggare skrivarar, understrekar Torgeir Dimmen, senterleiar ved Nynorsksenteret ved Høgskulen i Volda.

Kvalitetsstempel

Dei nynorske barnebøkene markerer seg langt sterkare enn den prosentvise delen av utgivingstalet, både på listene over slike innkjøp, når litteraturprisane blir delte ut og når utanlandske forlag kjøper rettar til omsetjing.

Målet med kåringa er å visa fram alle dei gode bøkene på nynorsk til endå fleire barn og vaksne som kan formidla dei til barna, seier redaktør Svein Olav Langåker.

Med denne bakgrunnen vil eit stort lag av nynorskinstitusjonar og -organisasjonar bruka Bokåret 2019 til å fremja lesing til flest mogleg barn og unge.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...

Landstinget til Nynorskkommunane: – Krev demokratisk kontroll over språket

Stavekontrollane til dei store selskapa Google, Microsoft og Apple er så dårlege at dei hindrar elevar i å læra korrekt norsk, og undergrev den...

Tale til landstinget: – Det er ikkje noko mindre enn ein skandale

Under her kan du lesa talen som statssekretær Trude Storheim i Kultur- og likestillingsdepartementet heldt på landstinget til LNK i Øygarden 3. juni. Det er...