Heim Nyhende NRK får kritikk for lite nynorsk og samisk

NRK får kritikk for lite nynorsk og samisk

NRK, P4 og Radio Norge oppfylte i hovudsak forpliktingane som allmennkringkastarar i 2017, ifølgje Medietilsynet. NRK hadde likevel for lite nynorsk.
 

I tillegg blir statskanalen kritisert for manglande tilbod til unge på samisk, ifølgje ei pressemelding frå Medietilsynet.

– Medietilsynet har kome til at det ligg føre brot på to av krava som blir stilt til programverksemda til NRK. Dette gjeld kravet om jamlege program for unge på samisk og kravet om 25 prosent nynorsk på radio, TV og nett, opplyser tilsynsdirektør Mari Velsand.

Delen nynorsk på TV-kanalane til NRK var i gjennomsnitt 23,8 prosent, på radio 23 prosent og på nett 16 prosent, ifølgje Allmennkringkastingsrapporten 2017.

– Her ventar vi at dei tiltaka NRK har skildra overfor Medietilsynet, blir prioritert, slik at vi kan sjå ei forbetring på desse områda framover, seier Velsand.

Satsar på unge samar

NRK oppfyller kravet om jamlege program for barn på samisk, men ikkje kravet om jamlege program for unge på samisk.

Til Medier24 seier direktør Mona Alette Solbakk i NRK Sápmi at kanalen har sett i gang ei rekkje prosjekt knytt til program for unge samar.

– Vi fekk kritikk for dette i fjor også, og var fullt klar over at vi sannsynlegvis kom til å få ny kritikk i år. Vi tek kritikken på høgste alvor, og har allereie sett oss som ambisjon å bli førstevalet til unge samar, seier Solbakk.

Mediedirektør Marius Lillelien i NRK opplyser at kanalen arbeider med å auka nynorskdelen. Mellom anna skal dei som meistrar begge målformer, først og fremst skriva på nynorsk på nettsidene til kanalen.

Dei kommersielle ut av rapporten

Frå og med 2018-rapporten er ikkje kommersielle radioaktørar omfatta. Grunnen er at det ikkje lenger har innhaldsforpliktingar no som det riksdekkjande FM-nettet er avvikla.

Med det er ein epoke over, ifølgje Medietilsynet.

– Også dei kommersielle radioaktørane har nokre svake sider i innhaldstilbodet sitt i 2017, men held seg innanfor krava som ligg i konsesjonen.

– Eg håpar kanalane tek med seg breidda i programtilbodet sitt vidare, sjølv om det noverande allmennkringkastingskravet fell bort, seier direktør Mari Velsand.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...