Mari Olafson Lundemo (27) frå Follebu er tilsett som dagleg leiar ved Olav H. Hauge-senteret i Ulvik.
Lundemo er utdanna historikar og tek til i stillinga i mars. Sju personar søkte på stillinga.
– Lundemo har dei faglege føresetnadene og dei personlege eigenskapane som skal til, seier direktør Ottar Grepstad i Nynorsk kultursentrum.
Lundemo sjølv seier ho ønskjer å skape eit verdig minnesmerke over Olav H. Hauge og diktinga hans og gjere senteret til eit levande senter for norsk og utanlandsk lyrikk. (©NPK)
