Heim Nyhende Ny runde om vestlandsuniversitet

Ny runde om vestlandsuniversitet

Høgskulane i Sogn og Fjordane, Stord/Haugesund og Bergen skal saman greie ut om eit nytt profesjonsuniversitet på Vestlandet. Men Høgskulen i Volda vil framleis helst stå åleine.

 

Det vart klart etter eit todagars møte som Kunnskapsdepartementet hadde kalla saman til i Bergen med Universitetet i Bergen og høgskulane på Vestlandet denne veka, skriv universitetsavisa i Bergen, På Høyden.

Statssekretær Bjørn Haugstad (H) oppnådde der å få i stand nye samtalekonstellasjonar og kanskje noko som kan bli ei løysing på vestlandsfloka.

– Det vi har diskutert desse to dagane, har kimen i seg til å bli ei løysing. Men det er for tidleg å seie om dette er sjølve løysinga, seier Haugstad til avisa.

LES OGSÅ: Volda, Lillehammer og Molde diskuterer ny høgskuleallianse

– Naturleg steg
Mens Høgskulen i Sogn og Fjordane (HiSF) før har stått steilt på at dei vil stå åleine, har dei no sagt seg villige til å vurdere ein fusjon med Høgskulen Stord/Haugesund og Høgskulen i Bergen. Det kan resultere i det som da blir den største utdanningsinstitusjonen på Vestlandet med rundt 15.500 studentar.

Rektor Rasmus Stokke ved HiSF ser det som eit naturleg steg å sjå på ein slik universitetsmodell, så sant styret ved høgskulen vil gjere om vedtaket sitt om sjølvstende.

– Ei utgreiing kan føre fram til ein samanslått institusjon, men det kan òg komme fram andre organisasjonsformer på vegen, seier Stokke.

LES OGSÅ: Droppar tvangssamanslåing av høgskular

Volda går for sjølvstende
Høgskulen Stord/Haugesund har tidlegare ønskt å slå seg saman med Universitetet i Stavanger, men dei to institusjonane har ikkje klart å bli einige. Dermed held Universitetet i Stavanger fram åleine.

Rektor Johann Roppen ved Høgskulen i Volda har ikkje noko ønske om hengje seg på universitetsplanane til dei tre høgskulane lenger sør. Plan a er framleis sjølvstende, plan b ein allianse med høgskulane i Molde og på Lillehammer, og heilt sist ønskjer høgskulen seg ein fusjon.

– Slik ser i alle fall mi ønskeliste ut, seier Roppen til På Høyden.

Med på møtet var Universitetet i Bergen, Høgskolen i Bergen, Høgskulen i Volda, Høgskulen i Sogn og Fjordane, Høgskulen Stord/Haugesund og Kunst- og designhøgskolen i Bergen. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...