Språkrådet har no laga nye retningslinjer for korleis dei skal arbeide med normeringa av språket framover.
Mens alle normeringsvedtak før måtte godkjennast av Kulturdepartementet, fekk Språkrådet i 2012 fullmakt til sjølv å vedta normendringar i bokmål og nynorsk og å fastsetje reglar for teiknsetjing og skrivereglar. Meir omfattande vedtak må framleis godkjennast av departementet.
– Etter at den tidlegare tilnærmingslinja i språkpolitikken no er oppgjeven, skal hovudgrunnlaget for normeringa vera skriftspråka våre slik dei faktisk ser ut og utviklar seg i tekst, er eitt av grunnprinsippa som Språkrådet gjer greie for.
Retningslinjene har særskilde kapittel om bokmål og nynorsk og dessutan kapittel om terminologi, importord og andre emne. (©NPK)
