Snart skal det avgjerast om Batnfjord skule i Gjemnes skal halde fram med å ha nynorsk som opplæringsspråk. Facebook og flygeblad blir brukt i kampen om røystene.
Mållaget i Gjemnes har laga flygeblad som har kome heim i postkassene til folk i kommunen. Her argumenterer dei mellom anna med at elevar som startar skulegangen med nynorsk i snitt får best samla norskkarakter, og at gode nynorskbrukarar er etterspurde i skule, media og offentleg administrasjon. I Facebook-gruppa Ja til nynorsk i Gjemnes-skulane argumenterast det med at nynorskelevar har betre språkføring og at det er enklare å lære bokmål som sidemål.
Gjemnes kommune opna måndag denne veka for at innbyggjarane kunne kome til kommunehuset og gje si stemme. Det er fire av åtte valkrinsar rundt Batnfjord skule som får delta. Folkerøystinga skal vere ferdig 15. mars.
Kjelde: Tidens Krav og Facebook
